Publikohet dokumenti/ “Ardi Veliu i implikuar në veprimtari të paligjshme”

Reagimet për drejtorin e Përgjithshëm të Policisë, Ardi Veliu, i cili është vënë në qendër të akuzave, vazhdojnë.

Ish-ministri i Drejtësisë Partisë Demokratike, Enkelejd Alibeaj, nxjerr një dokument ku thuhet se Veliu në vitin 2002-2003, kur shërbente më policinë e Vlorës, ka qenë i implikuar në veprimtari të paligjshme.

“Në vitin 2002-2003, kur shërbente më policinë e Vlorës, ka qenë i implikuar në veprimtari të paligjshme. Ka qenë i implikuar në lëvizjet klandestine. Ka favorizuar kontrab.andën e naftës. Ka ndihmuar një po.lic për pasaporta fal.lco”, thuhet në dokumentin e publikuar nga Alibeaj.

Reagimi i plotë:

Kush ka pasur ndonjë shpresë sado të vogël se Edi Rama do të distancohej nga drejtori i tij i policisë, sot e ka kuptuar se Ardi Veliu dhe Edi Rama janë një.

“Integriteti” i Ardi Veliut, të cilit Edi Rama i ngriti lapidar sot, sqarohet në dokumentin e shërbimit sekret, që gjendet në dosjen e vetingut të Ardi Veliut. Skeda e policit që Rama dashuron, është si me poshtë:

“Në vitin 2002-2003, kur shërbente më policinë e Vlorës, ka qenë i implikuar në veprimtari të paligjshme. Ka qenë i implikuar në lëvizjet klandestine. Ka favorizuar kontrabandën e naftës. Ka ndihmuar një polic për pasaporta fallco”.

Skedës së integritetit të policit ideal të Ramës, i mungon edhe funksionimi si shofer i t.rafikantit të drogës Klement Balili apo bashkëpunimi me trafikantin tjetër ndërkombëtar të dr.og.ës, Agron Xhafaj, prej të cilit mban sot edhe detyrën më të lartë në policinë e shtetit.

Mbrojtja e Ardi Veliut nuk është risi për Edi Ramën. Kështu ka bërë me të gjithë ata që i shërbejnë për pasurimin dhe pushtetin e tij të paligjshëm,  nga Vangjush Dako, tek Elvis Roshi, Mark Frroku, Arben Ndoka e deri tek Agim Kajmaku e Valdrin Pjetri.