Përfundon takimi në selinë blu, Basha-Kryemadhi marrin vendimin e rëndësishëm për zgjedhjet e 25Prillit



Ka përfunduar takimi 90 minutësh në selinë blu midis kryetares së LSI-së, Monika Kryemadhi dhe kreut të opozitës, Lulzim Basha.



Mësohet, se dy partitë më të mëdha opozitare kanë vendosur të mos regjistrohen si koalicion për zgjedhjet e 25 prillit, por të futen me lista të ndara.



Gjithsesi, sipas burimeve, ata kanë planifikuar të bëjnë koalicion paszgjedhor. Sipas informacioneve, PD-ja do të futet me listë të përbashkët me aleatët e tjerë, ndërkohë LSI-ja do të ketë listë më vete.

Për sa i përket aleatëve të tjerë, Basha nuk ka arritur akoma  marrëveshjen me Fatmir Mediun e Partisë Republikane, si dhe me kreun e PDIU-së, Shpëtim Idrizin.