E quajti analfabet/ Aktivisti nga Prishtina “i përvishet” Ramës: Dje në Kuvend kishte frymëmarrje të çakorduar, të kanë zënë…

Aktivisti Rron Gjinovci ka reaguar ndaj Edi Ramës, pasi ky i fundit e quajti në seancën e djeshme në Kuvend,“analfabet me doreza të zeza”.  Në një postim të gjatë në Facebook, Gjinovci shprehet se Rama është “zënë ngushtë” nga oligarkët për truallin e Teatrit Kombëtar  dhe se në Kuvend kishte një frymëmarrje të “çakorduar”. Ai e “këshillon” Ramën që të tregojë emrat e oligarkëve që i bëjnë presion, se vetëm në këtë mënyrë mund të “çlirohet “Shqipëria.

Vërehej edhe sot si atëherë se shkëlqesia ishte, siç themi na në Kosovë: në nji zor të madh. Kryeministri është në zor prej oligarkëve të cilët siç duket po ia lypin parcelën në qendër të Tiranës, për borxhe që na s’i dijmë. Kryeministër, na i thoni emrat e oligarkëve që ju kanë shtrëngu kaq fort dhe na presionin e drejtojmë kah ata, e çlirohet edhe Shqipnia edhe ju prej tyne. E protestusit shpresoj të mos ndalen, deri sa të bijnë oligarkët, ose veglat e tyne, ose edhe ma mirë: t’gjithë bashkë.”, shprehet ai ndër të tjera. 

Nga fjalimi i sotëm në Parlamentin e Shqipnisë, i Kryeministrit të Shqipnisë, shkëlqesisë së tij Edi Ramës, është nji moment me randësi kah fundi i fjalimit të tij. Momenti kur flet për ndërtimin e teatrit siç ka qenë, ama, dikund tjetër. Ky moment lyp vëmendje, se aty merret vesh saktësisht ku është problemi. Pra, vendndodhja e teatrit, qendra e Tiranës ku do të ndërtohet teatri i ri dhe pjesa prapa tij që në fakt është pjesa ma me rëndësi, e cila, do të “zhvillohet” siç e tha disa herë atë natë në emisionin ku isha edhe unë në T7 vet shkëlqesia e tij. E shqiptarët e dijnë ç’do me thanë “zhvillimi” në termat e shkëlqesisë së tij, pra do me thanë ndoj kullë apo disa kulla dhjetëra katëshe. E shqiptarët po ashtu e dijnë kush i don e kush i ndërton ato: oligarkët.


Po ta dëgjoni me vëmendje, frymëmarrja e çakorduar e shkëlqesisë së tij ishte e ngjashme si vitin e kalum kur doli me folë për protestat masive të studentëve të lëvizjes Për Universitetin. Vërehej edhe sot si atëherë se shkëlqesia ishte, siç themi na në Kosovë: në nji zor të madh. Kryeministri është në zor prej oligarkëve të cilët siç duket po ia lypin parcelën në qendër të Tiranës, për borxhe që na s’i dijmë.

Kryeministër, na i thoni emrat e oligarkëve që ju kanë shtrëngu kaq fort dhe na presionin e drejtojmë kah ata, e çlirohet edhe Shqipnia edhe ju prej tyne.
E protestusit shpresoj të mos ndalen, deri sa të bijnë oligarkët, ose veglat e tyne, ose edhe ma mirë: t’gjithë bashkë.